Teithiau BBC Cymru - Cymraeg

Camwch i ddyfodol darlledu yn stiwdios diweddaraf a mwyaf blaenllaw’r BBC yn y Sgwâr Canolog, Caerdydd.

Ydych chi erioed wedi meddwl sut mae effeithiau sain yn cael eu hychwanegu at eich hoff bodlediadau? Neu sut deimlad yw darllen y newyddion? Ymunwch â’n tywyswyr cyfeillgar ar daith y tu ôl i’r llen yn BBC Cymru. Cewch ymweld â’n stiwdios teledu a radio newydd sbon, a chael clywed sut mae creu rhaglenni’r BBC. Ar eich taith byddwch yn:

• Ymweld ag un o’r ystafelloedd newyddion mwyaf, sy’n llawn technoleg flaengar, gan gynnwys realiti estynedig, rhith-realiti a chamerâu robotig
• Cael cyfle i fynd y tu ôl i’r llen i weld orielau teledu a chyfleusterau darlledu eraill

Mae hon yn ganolfan ddarlledu fyw, sy’n golygu nad oes yr un daith yr un fath ag un arall ac y bydd pob ymweliad yn unigryw.

Os ydych chi’n archebu i grŵp o bobl neu fod gennych chi anghenion penodol o ran mynediad, ffoniwch 029 2087 8444.

Rhaid i bob oedolyn sy’n mynd ar daith ddod ag ID â llun arno.

Mae’n rhaid i oedolyn ddod  gyda phlant dan 18 oed. Mae’r daith dywys yn addas i blant dros 7 oed.

Bydd eich bagiau’n cael eu harchwilio felly, i osgoi oedi, rydyn ni’n argymell bod ymwelwyr ddim yn dod â bagiau mawr nac eitemau diangen.