Bwriwch olwg ar ein cynllun seddi Mae ein Swyddfa Docynnau ni ar agor o ddydd Llun tan ddydd Sadwrn, 10am tan 8pm (6pm pan nad oes yna ddim perfformiad) ac ar ddyddiau Sul neu Wyliau Banc awr cyn dechrau’r perfformiad. Gallwch godi tocynnau trwy ffonio ar 029 2087 8444. Cysylltir eich galwad chi yn ei dro cyn gynted ag y bydd yna staff yn rhydd yn naill ai Neuadd Dewi Sant neu’r New Theatre. Gewch chi dalu yn y fan a’r lle gyda cherdyn credyd neu gadw’ch tocynnau a threfnu i dalu o fewn tridiau. Rydym ni’n derbyn Mastercard, Visa a Switch. Gallwch bellach godi tocynnau ar lein yn y fan a’r lle – 24 awr y dydd, 7 diwrnod yr wythnos trwy ein swyddfa docynnau ar lein ddiogel. Does rhaid i chi ond cael hyd i'r sioe rydych am ei gweld yn y rhestr Beth Sydd Ymlaen, clicio ar y botwm Codi Tocynnau Ar Lein a dilyn y camau. Anfonir cadarnhad ebost atoch chi i gadarnhau ein bod wedi derbyn ac wedi cadarnhau eich cais am docynnau - pob hwyl ar godi tocynnau! Mae gwasanaeth codi tocynnau ar lein Neuadd Dewi Sant yn dwyn tāl codi tocynnau ychwanegol bychan o £1.50 y pryniant (nid y tocyn). Mae hyn er mwyn ymorol am gost gwasanaeth bancio ar lein diogel. Defnyddwyr Cadeiriau Olwyn Nid yw safleoedd cadeiriau olwyn ar gael bob amser a chan hynny does dim modd eu cadw nhw ar lein. A wnewch chi deleffonio ein Swyddfa Docynnau lle bydd aelod o'r tîm yn falch o roi cymorth i chi godi tocyn. Cysylltu â ni dros y ffôn Gweinyddiaeth 029 2087 8500 y Swyddfa Docynnau 029 2087 8444 Minicom y Swyddfa Docynnau 029 2087 8881 (ffôn destun i’w defnyddio gan fynychwyr trwm eu clyw yn unig) Am wasanaeth cyflymach, mwy effeithiol – peidiwch ag anghofio defnyddio’ch cyfeirnod unigryw! Fe gewch chi hwn ar eich tocyn diweddaraf i Neuadd Dewi Sant neu’r New Theatre ar y gwaelod ar yr ochr dde. Disgowntiau Mae'n bosib y bydd rhai o'r disgowntiau yma neu'r cwbl ohonynt yn berthnasol i rai digwyddiadau: Plant, Pobol dros eu 60, Myfyrwyr, Cyfeillion, Hawlwyr, Pobol anabl ynghyd ag un cydymaith, Pobol ddi-waith, Deiliaid cardiau MAX a Grwpiau. Gweler y disgowntiau penodol sydd ar gael ym manylion y sioeau unigol. Dim ond un disgownt y tocyn y ceir ei ddefnyddio ac mae gofyn prawf o'ch statws - a wnewch chi ddweud eich bod yn gwneud cais am ddisgownt pan fyddwch chi'n codi'ch tocynnau. Tocynnau myfyrwyr Mae tocynnau myfyrwyr ar gael am hanner pris i gyngherddau cerddorfaol sy’n rhan o Gyfres Cyngherddau Cerddorfaol Neuadd Dewi Sant. Mae disgowntiau ar gael hefyd ar gyfer digwyddiadau dethol eraill - gweler y tudalennau Beth sydd ymlaen unigol am fanylion. CERDYN MAX Mae Neuadd Dewi Sant yn cynnig y gostyngiadau a gyhoeddir i holl hawlwyr budd-daliadau, gan gynnwys pobol ddi-waith. Ffurf adnabod hwylus i bobol Caerdydd ydi’r cerdyn MAX (gynt o’r enw cerdyn Pasport i Hamdden Caerdydd) sydd hefyd yn rhoi hawl i ostyngiadau yng nghanolfannau hamdden a chwaraeon Caerdydd. Fe gewch chi un o unrhyw Swyddfa Bost yng Nghaerdydd. Dewch â pharti Dewch â pharti ac arbed arian gwerth chweil! Mae Neuadd Dewi Sant yn croesawu grwpiau o bob maint; rhoddir disgowntiau ar ddigwyddiadau dethol i grwpiau o 10 neu fwy. Bydd ein Trefnydd Gwerthiannau Grŵp, Chris Blackler yn falch o’ch helpu chi gyda chodi tocynnau yn ogystal â gydag agweddau eraill ar eich ymweliad a gallwch gysylltu â hi ar 029 2087 8878. Plant Mae yna ostyngiadau a phrisiau arbennig i lawer o ddigwyddiadau. Gweler y paneli prisiau am ddigwyddiadau unigol. Er eich cysur a’ch diogelwch eich hun, mae gofyn i bob plentyn oedran cerdded fod â thocyn. Ad-dalu a ffeirio Os ydych chi’n methu dod i ddigwyddiad, gallwch ffeirio’ch tocynnau ar gyfer digwyddiad arall hyd at 48 awr cyn y perfformiad. Rhaid i chi ffeirio’n bersonol yn y Swyddfa Docynnau a chodir ffi weinyddu £1 am y gwasanaeth yma. Gwaetha’r modd allwn ni ddim rhoi ad-daliadau. Fel arall fe dderbyniwn ni docynnau i’w hailwerthu ar yr amod bod tocynnau Neuadd Dewi Sant ei hun i gyd yn cael eu gwerthu gyntaf ac na allwn ni fyth warantu ailwerthu. Allwn ni ddim ailwerthu oni bai eich bod chi’n dod â’r tocynnau gwreiddiol yn ôl i’r Swyddfa Docynnau yn gyntaf. Fe gadwn ni 10% gwerth unrhyw ailwerthu am y gwasanaeth yma.   Hwyrddyfodiaid Er mwyn peidio â tharfu ar gwsmeriaid eraill, mae’n ddrwg gennym na fydd hwyrddyfodiaid, mewn rhai cyngherddau, yn neilltuol datganiadau, ddim yn cael mynd i mewn i’r awditoriwm nes bydd yna saib addas. Fe allwch chi, fodd bynnag, wylio’r cyngerdd ar y teledu cylch cyfyng ar Lefel 3. Amodau gwerthu Neuadd Dewi Sant 1. Fe all fod rhaid, oherwydd amgylchiadau nad oedd modd eu rhagweld, gwneud newidiadau yn y cast neu’r rhaglen, a rydym ni felly yn cadw’r hawl i wneud hyn. 2. O dan rai amgylchiadau, efallai y bydd gofyn i ni wrthod gadael i rywun ddod i mewn, ac os digwydd hynny, efallai na fyddwn ni ddim yn ad-dalu’r ffïoedd mynediad a dalwyd. 3. A wnewch chi edrych yn ofalus ar eich tocynnau i wneud yn siwr fod yr holl fanylion yn gywir. Mae ad-dalu fel y gwêl yn dda Rheolwr y Swyddfa Docynnau. Ar agor trwy’r dydd Hyd yn oed os nad ydych chi’n dod i gyngerdd, mae croeso i chi ddod i fwrw golwg ar y cynteddau yn ystod y dydd. Mae’r cynteddau ar agor i’r cyhoedd fel arfer o ddydd Llun tan ddydd Sadwrn o 10am tan 4.00pm (ac eithrio Gwyliau Banc a dyddiau Sul) felly piciwch i mewn i fwrw golwg, i weld arddangosfa, neu aros i gael diod neu damaid o fwyd. Codi tocynnau trwy’r post Pan fyddwch chi’n codi tocynnau trwy’r post, a wnewch chi ysgrifennu at y Swyddfa Docynnau gyda manylion cyflawn ynghylch y tocynnau y mae arnoch chi eisiau’u codi, gan gynnwys dyddiad ac enw’r cyngerdd neu gyngherddau, nifer a phris y tocynnau sydd eisiau (gan gynnwys unrhyw ddisgowntiau rydych chi’n eu hawlio), a’ch dewis fan eistedd (a wnewch chi roi’r man yn hytrach na’r seddi neilltuol, na allwn ni mo’u haddo). A wnewch chi roi i ni eich enw, eich cyfeiriad, eich cod post a’ch rhif ffôn yn ystod y dydd, ac amgáu naill ai eich siec yn daladwy i Ddinas a Sir Caerdydd neu eich manylion cerdyn credyd/Switch (gan gynnwys y dyddiad terfyn a’r rhif dosbarthu Switch), yn ogystal ag amlen â stamp a chyfeiriad ar gyfer anfon eich tocynnau.