Mae gan Neuadd Dewi Sant amrywiaeth o wasanaethau sy’n gaffaeliad i gwsmeriaid anabl. Mae’r rhain yn cynnwys prisiau tocynnau rhatach i ddefnyddwyr cadeiriau olwyn ac ar adegau i gwsmeriaid anabl eraill. Disgrifir ein gwasanaethau’n fanylach isod, ond os oes gennych chi unrhyw ofynion arbennig a wnewch chi sôn amdanyn nhw wrth staff y Swyddfa Docynnau pan fyddwch chi’n codi’ch tocyn, neu ddod i gysylltiad â’r Rheolwr Tŷ ar Ddyletswydd pan gyrhaeddwch chi a byddwn yn falch o fod o help. Cyfleusterau ar gyfer defnyddwyr cadeiriau olwyn gan gynnwys ramp i’r cyntedd, lifft gyda botymau isel, lloriau gwastad a chyfleusterau tai bach. Caiff defnyddwyr cadeiriau olwyn ynghyd ag un cydymaith godi tocynnau i seddi cadw yng nghefn y stalau am y pris rhataf. Mae’n bosib y bydd mynychwyr ag anawsterau cerdded yn cael mai seddi yn y stalau ydi’r hawsaf mynd iddyn nhw. Mae system is-goch bellach ar gael trwy hyd a lled yr awditoriwm (ac eithrio Rheng 5). Mae modd defnyddio’r system gyda neu heb gymorth clyw. A wnewch chi roi gwybod i’r Swyddfa Docynnau pan fyddwch chi’n codi’ch tocynnau y bydd angen i chi ddefnyddio’r system. Rhoddir taflen wybodaeth am ei defnyddio i chi yn y digwyddiad. Fe allwch hi hefyd godi tocynnau dros ffôn destun MINICOM yn Swyddfa Docynnau’r New Theatre ar 029 2087 8881.     Mae tŷ bach NEILLRYW ar gyfer cwsmeriaid anabl ar gael ar Lefel 2. Mae gwybodaeth am ddigwyddiadau yn Neuadd Dewi Sant ar gael mewn Braille ac mewn print bras yn Llyfrgell Ganolog Caerdydd, Sefydliad y Deillion Caerdydd ac o’r Ddesg Wybodaeth ar y llawr gwaelod. Fel arall, anfonwch eich enw a’ch cyfeiriad at yr Adran Farchnata ac fe ychwanegwn ni chi at ein rhestr bost. Mae croeso i gŵn tywys – cysylltwch os gwelwch yn dda â’r Swyddfa Docynnau ar 029 2087 8444 i roi gwybod i ni pryd y byddwch chi’n dod. Caniateir gollwng teithwyr ar ben uchaf Yr Aes, hanner canllath o’r fynedfa flaen. Mae parcio ar gyfer deiliaid cardiau oren ar gael ar Hills Street, gyferbyn â'r Swyddfa Bost.