Bwyd a Diod

Mae gan Neuadd Dewi Sant ddau far ar Lefelau 3 a 5, Bwyty’r Sêr a’r Oriel ar Lefel 1 ac Art Café Celf sydd newydd ei ailwampio.

Mae melysion, diodydd ysgafn a Hufen Iâ ar gael ar Lefel 2 yn ystod amrywiaeth o gyngherddau a digwyddiadau.

Art Café Celf

Rhowch dro am y caffi braf tymherus yma ar Lefel 4 a chael blas ar fwyd ardderchog wedi’i gynhyrchu’n lleol, gan gynnwys dewis helaeth o frechdanau, baguettes, teisennau a diodydd poeth.
Dyma le braf a lliwgar i laesu dwylo, ymhell o ffair a ffwndwr canol y ddinas islaw.

Oriau agor
Llun – Sadwrn deg o’r gloch y bore tan dri y prynhawn
Am ragor o fanylion neu unrhyw ymholiadau, cysylltwch â’r swyddfa Arlwyo ar:029 2087 8453

Bwyty’r Sêr a’r Oriel

Mae gan Fwyty’r Sêr bopeth sydd ei angen arnoch i gael pryd o fwyd blasus, ganol dydd neu gyda’r hwyr; bwydlen gynhwysfawr, awyrgylch cyfeillgar, gwasanaeth ar y gair, amgylchfyd cyfforddus a bellach yn rhoi lle amlwg i waith artistiaid lleol ar barwydydd y bwyty.

Gewch chi ddewis o amrywiaeth eang ganol dydd sydd wedi’i llunio i fod at ddant pawb, gan gynnwys dewis o’r Cownter Cerfdy a bwydlen ‘Tameidiau Bach’.

Mae’r fwydlen odidog gyda’r hwyr, yn fwydydd Cymreig ac Ewropeaidd, ar gael ym Mwyty’r Sêr o hanner awr wedi pump ymlaen pan fydd y symbol agored i’w weld yn y dyddiadur.

Oriau agor

Llun – Sadwrn o ganol dydd tan hanner awr wedi dau ac o hanner awr wedi pump ymlaen pan fydd perfformiad gyda’r hwyr (pump o’r gloch pan fydd y perfformiad yn cychwyn am saith o’r gloch) – bwriwch olwg ar dudalennau’r digwyddiadau unigol i weld a ydi’r bwyty ar agor cyn neu ar ôl y cyngerdd ar unrhyw ddyddiad y mae gennych ddiddordeb ynddo.

Am ragor o fanylion neu unrhyw ymholiadau, cysylltwch â’r swyddfa Arlwyo ar 029 2087 8453 neu Fwyty’r Sêr ar 029 2087 8463.

Barrau Lefelau 3 a 5

Gewch chi osgoi’r ciwiau yn ystod yr egwyl ac archebu eich diodydd egwyl cyn i’r cyngerdd ddechrau. Mae’r ddau far yn cynnig y gwasanaeth archebu diodydd egwyl yma yn ystod digwyddiadau Lefel 3 megis y nosweithiau jazz misol a’r cyfleusterau sgrin fawr yn ystod gemau rygbi rhyngwladol.
Am ragor o fanylion neu unrhyw ymholiadau, cysylltwch â’r swyddfa Arlwyo ar 029 2087 8450.

Derbyniadau

Mae’r cyfleusterau bwyd a diod yn Neuadd Dewi Sant yn cael eu gweithio gan Cardiff Catering, gwasanaeth arlwyo mewnol i holl oedfannau’r cyngor, gan gynnwys Castell Caerdydd, Neuadd y Ddinas, Neuadd y Sir, The Mansion House a Neuadd Dewi Sant. Mae’r cwmni’n cynnig gwasanaeth hyblyg ac amlochrog iawn, sy’n gallu cynnig derbyniadau o bob maint a math, gan gynnwys darparu ar gyfer amrywiaeth eang o ofynion bwyd.

O ginio bys a bawd syml ganol dydd ar gyfer cyfarfodydd anffurfiol i wasanaeth arian llawn ar gyfer penaethiaid gwladol i fwydlenni thema i gyd-fynd â’ch anghenion corfforaethol: mae gan Cardiff Catering brofiad cynhwysfawr o bob mathau o ofynion.