9 Chwefror 2012
Tirweddau Sibelius BBC NOW
7:30 PM
Tapiola, duw coedwigoedd pîn y Ffindir, a ysbrydolodd waith mwyaf elfennol Sibelius, llawn arswyd distaw’r goedwig, ac sy’n dod i ben yn un o’r stormydd ffyrnicaf mewn cerddoriaeth drwyddi draw – byddwch wedi dychryn ar eich hyd..
Rhagor o WybodaethArchebu'n Awr9 Chwefror 2012
Pahlawan The Musical
8:00 PM
Gŵyl Amrywiaeth Maleisia Gwroldeb, anrhydedd, teyrngarwch a chyfiawnder. Hanes brawdoliaeth, cariad a brad, yn digwydd ym mlynyddoedd machlud Swltaniaeth Malacca..
Rhagor o WybodaethArchebu'n Awr9 Chwefror 2012
Cyngerdd Awr Ginio-Jeremy Huw Williams
1:00 PM
Mae’r bariton o Gymro Jeremy Huw Williams wedi perfformio mewn operâu a datganiadau drwy’r byd yn grwn ac mae’n canu prif rannau’n rheolaidd gydag Opera Cenedlaethol Cymru. Mae hefyd yn bleidiwr cerddoriaeth gyfoes ac yn dal i gomisiynu gweithiau newydd a rhoi ei première i gerddoriaeth gan amryw byd o gyfansoddwyr cyfoes..
Rhagor o WybodaethArchebu'n AwrThe Rat Pack yn ei ôl i Gariadon ym Mhobman
8:00 PM
Gadewch i Frank, Sammy a Dean fynd â chi ar daith i’r Sands Hotel yn Las Vegas, lle gyda’i gilydd fel triawd y perfformion nhw nifer o ganeuon clasurol gan gynnwys I Got You Under My Skin, Lady Is A Tramp..
Rhagor o WybodaethArchebu'n Awr9 Chwefror 2012
LITTLE BIG CLUB YN FYW MEWN CYNGERDD
12.30pm & 3.30pm Mae The Little Big Club yn Fyw mewn Cyngerdd yn cyflwyno i chi gymeriadau cyn oed ysgol byd-enwog, gyda’i gilydd ac yn fyw ar lwyfan am y tro cyntaf mewn un sioe benigamp a dyma’r union ffordd i gadw’r cryts yn ddiddig yn ystod Hanner Tymor..
Rhagor o WybodaethArchebu'n Awr9 Chwefror 2012
Rumours of Fleetwood Mac
8:00 PM
Dan berfformio hits clasurol, mewn hylltod o arddulliau a chymysgedd o genres cerddorol, mae Rumours Of Fleetwood Mac wedi perffeithio treftadaeth clasuron y felan, roc a pop a roes i Fleetwood Mac y safle eiconig yn y diwydiant cerdd sydd ganddyn nhw heddiw..
Rhagor o WybodaethArchebu'n Awr9 Chwefror 2012
Russian State Philharmonic Orchestra
7:30 PM
Ffidil Brahms a Phedwaredd Symffoni Tchaikovsky ill dau. Gweithiodd Brahms fel lladd nadroedd i wireddu uchelgais ers tro sef cyfansoddi Concerto Ffidil ac ymateb angerddol oedd Pedwaredd Symffoni Tchaikovsky i un o’r argyfyngau personol mwyaf a ddaeth i’w ran erioed.
Rhagor o WybodaethArchebu'n Awr9 Chwefror 2012
Killer Queen
7:30 PM
Mae Killer Queen yn gwefreiddio cynulleidfaoedd mewn tai dan eu sang ym mhedwar ban byd, yn ail-greu rhyfeddod egnïol a grymus, Queen yn fyw.
Rhagor o WybodaethArchebu'n Awr9 Chwefror 2012
Lee Mead-The Love Tour
5:00 PM
Daeth Lee Mead yn Seren yn y West End yn chwarae’r brif ran yn Joseph wedi ennill ar y rhaglen deledu ‘Any Dream Will Do’ a dyma fe yn ei ôl gyda’i fand i berfformio cyngerdd byw o hits o’i albwm newydd..
Rhagor o WybodaethArchebu'n Awr9 Chwefror 2012
Gwrando’r Gwreiddiau-Jacqui McShee's Pentangle
8:00 PM
Mae Jacqui McShee a Pentangle yn enwau chwedlonol. Ond bu un peth yn ddigyfnewid – mae llais dihafal Jacqui McShee yn yr amlwg bob gafael..
Rhagor o WybodaethArchebu'n Awr9 Chwefror 2012
Chris Addison
8:00 PM
Yn syth o The Thick of It, Mock The Week, Have I Got News For You a’i daith yn 2010 a werthodd bob tocyn, bellach mae Chris Addison, y dyn roes y ‘Chris Addison’ yn “I see Chris Addison is touring again,” yn awr, ar daith unwaith eto!
Rhagor o WybodaethArchebu'n Awr9 Chwefror 2012
Cerddorfa Ffilharmonig Caerdydd Favourite Classics
7:30 PM
Mae tymor Cerddorfa Ffilharmonig Caerdydd yn mynd rhagddo â rhaglen o hoff glasuron yn cychwyn ag un o agorawdau mwyaf pefriol Rossini, The Thieving Magpie. Siawns nad ydi Wythfed Symffoni Dvorák yn un o’r darnau mwyaf dyrchafol a sgrifennwyd erioed, wedi’i seilio ar ganu gwerin Bohemia roedd Dvorák yn dotio ato gymaint.
Rhagor o WybodaethArchebu'n Awr9 Chwefror 2012
9 Chwefror 2012
Anton & Erin Let's Do It
7:30 PM
Yn dilyn taith a werthodd bob sedd drwy Brydain yn 2011, dyma ei hoff gwpwl dawnsio Anton du Beke ac Erin Boag, yn eu holau a sioe newydd ddigon o ryfeddod i’w canlyn..
Rhagor o WybodaethArchebu'n AwrAm y Neuadd
Yng nghalon Caerdydd, prifddinas Cymru, Neuadd Dewi Sant ydi Neuadd Gyngerdd Genedlaethol a Chanolfan Gynadledda Genedlaethol Cymru. Mae yma amrywiaeth eang o adloniant byw, arddangosfeydd am ddim, cynadleddau, gweithdai cymryd rhan, dau far ac amrywiaeth o lefydd i fwyta, staff cymwynasgar ac amgylchfyd hamddenol ac mae Neuadd Dewi Sant yn adeilad i’w fwynhau liw dydd a chyda’r nos trwy’r flwyddyn gron.
Neuadd Dewi Sant ydi cartref Proms Cymru Caerdydd, y Gyfres Cyngherddau Cerddorfaol sydd gyda goreuon y byd ac sy’n rhoi llwyfan i gerddorfeydd, unawdwyr ac arweinwyr blaenllaw’r byd, a chystadleuaeth BBC Canwr y Byd Caerdydd bob yn ddwy flynedd, ac mae’n cyflwyno lliaws o adloniant byw, gan gynnwys pop, roc, canu gwerin, jazz, rhythm a’r felan, comedi, sioeau plant, cyngherddau awr ginio, dramâu cerdd, adloniant ysgafn, dawns, cerddoriaeth y byd, ffilmiau a cherddoriaeth glasurol.
Ond mae Neuadd Dewi Sant yn fwy na dim ond neuadd gyngerdd - a chanddi gynteddau eang, barrau lolfa a bwyty mae hefyd yn lle i gyfarfod am goffi, cinio neu bryd o fwyd dathlu. At hynny mae yma arddangosfeydd rheolaidd a chynadleddau cwmni blynyddol, ac mae rhywbeth ar fynd agos i bob diwrnod trwy’r flwyddyn gron.
Mae Neuadd Dewi Sant yn eiddo, dan reolaeth a than nawdd Cyngor Sir Caerdydd gyda chymorth gan Gyngor Celfyddydau Cymru.
Hanes Byr
I’r penseiri Seymour Harris Partnership roedd cynllunio Neuadd Dewi Sant yn gomisiwn anghyffredin, os nad heb ei ail, am sawl rheswm. Y bennaf her oedd sut i ddarparu neuadd gyngerdd fawr â 2,000 o seddi yn y lle cyfyng oedd ar gael ac i gymhlethu hyn ymhellach roedd rhaid gwasgu’r adeilad i ganolfan siopa oedd eisoes wedi’i chynllunio ac ar hanner ei chodi.
Y canlyniad oedd, choeliech chi fawr o fewn pum mlynedd o synio amdani hyd at ei chwblhau, codi neuadd gyngerdd drawiadol â lle i 2,000 a chanddi, gellid dadlau, yr acwsteg orau yn Ewrop, yn union dros ben rhodfa siopa Canolfan Dewi Sant. At hynny, mae gan yr adeilad swyddfeydd, ystafelloedd gwisgo cynhwysfawr, ystafelloedd cyfarfod a chyfleusterau cynadledda, dau le i fwyta, arddangosfeydd ar dri llawr, a man croeso eang.
Gwelodd hydref 1982 ddyddiau cynhyrfus yn y Neuadd Dewi Sant newydd. Denodd y ‘diwrnod agored’ arbennig ar 30 Awst 1982 21,000 o bobol; naw niwrnod yn ddiweddarach daeth y cyngerdd cyhoeddus cyntaf, ymarfer agored am ddim gan Gôr Polyffonig Caerdydd. Erbyn i’r Fam Frenhines berfformio’r agoriad swyddogol ym mis Chwefror 1983, roedd Neuadd Dewi Sant eisoes wedi gweddnewid bywyd artistig y Brifddinas. Ys dywedodd Ei Mawrhydi, ‘This exciting development will add greatly to the quality of life for the city of Cardiff and the people of the Principality.’
Mae Caerdydd, prifddinas Cymru, yn cynnig adloniant, chwaraeon, llefydd i fwyta, cyfleusterau hamdden, llefydd o ddiddordeb i roi tro amdanyn nhw a phennaf ddigwyddiadau yn rheolaidd, gyda denu miloedd o ymwelwyr bob blwyddyn. Mae Neuadd Dewi Sant yn dal i fod yn un o’r oedfannau blaenllaw yn natblygiad diwylliannol a pharhaol Caerdydd yn un o’r dinasoedd mwyaf cosmopolitanaidd yn Ewrop.